Local

ശബരിമല റൂട്ടിലോടുന്ന കെഎസ്ആർടിസി ബസിനു തീപിടിച്ചു, ആളപായമില്ല

ശബരിമല റൂട്ടിലോടുന്ന കെഎസ്ആർടിസി ബസിനു തീപിടിച്ചു, ആളപായമില്ല

പത്തനംതിട്ട: ശബരിമല തീർഥാടന റൂട്ടിലോടുന്ന കെഎസ്ആർടിസി ബസിന് ഞായറാഴ്ച പുലർച്ചെ തീപിടിച്ചു. ചാലക്കയത്തിനും നിലയ്ക്കലിനും ഇടയിലുള്ള വനമേഖലയിലെ 30-ാം ഹെയർപിൻ വളവിൽ പുലർച്ചെ 5.30 ഓടെയാണ് സംഭവം.

തീർഥാടകരെ കയറ്റാൻ പമ്പയിൽ നിന്ന് നിലക്കലിലേക്ക് പോവുകയായിരുന്ന ആളൊഴിഞ്ഞ ബസാണ് അപകടത്തിൽപ്പെട്ടത്. പുക കണ്ടതിനെ തുടർന്ന് ഡ്രൈവർ വാഹനം നിർത്തി. വാഹനത്തിന് ഭാഗികമായ കേടുപാടുകൾ സംഭവിച്ചെങ്കിലും പരിക്കുകളൊന്നും റിപ്പോർട്ട് ചെയ്തിട്ടില്ല. പമ്പയിൽ നിന്നും നിലയ്ക്കലിൽ നിന്നുമുള്ള അഗ്നിശമന സേനാംഗങ്ങൾ തീയണയ്ക്കാൻ ദ്രുതഗതിയിൽ രക്ഷാപ്രവർത്തനം നടത്തി. സംഭവത്തെ തുടർന്ന് ദേവസ്വം ബോർഡ് അംഗം എ.അജികുമാർ സ്ഥലം സന്ദർശിച്ചു.