<p><strong>വിലകുറഞ്ഞ കാറുമായി ടെസ്‍ല, E41 എന്ന രഹസ്യനാമത്തിൽ മസ്‍ക് പണിതുടങ്ങി! ചങ്കിടിച്ച് ഇന്ത്യൻ കമ്പനികൾ!</strong><br><br>ലോകത്തിലെ ഏറ്റവും വലിയ ഇലക്ട്രിക് കാർ കമ്പനികളിൽ ഒന്നും അമേരിക്കൻ ഇലക്ട്രിക്ക് വാഹന ഭീമനുമായ ടെസ്‌ല ഉടൻ ഇന്ത്യയിലേക്ക് വരുന്നു. ജീവനക്കാരെ നിയമിക്കുന്നത് മുതൽ ഷോറൂമുകൾ വാടകയ്ക്ക് എടുക്കുന്നത് വരെ കമ്പനി പ്രവർത്തിക്കുന്ന രീതി കണക്കിലെടുക്കുമ്പോൾ, ഏപ്രിലിൽ തന്നെ ടെസ്‌ല ഇന്ത്യയിലെ റോഡുകളിൽ ഓടുന്നത് കാണാൻ കഴിയുമെന്ന് പ്രതീക്ഷിക്കുന്നു. അതിനിടെ, ടെസ്‌ല വിലകുറഞ്ഞ ഇലക്ട്രിക് കാർ വികസിപ്പിക്കുന്നുവെന്ന ഒരു വലിയ വാർത്ത വന്നിരിക്കുന്നു. അപ്പോൾ ഈ കാർ ഉപയോഗിച്ച് ഇലോൺ മസ്‌ക് ഇന്ത്യൻ വിപണിയിൽ ഒരു കോളിളക്കം സൃഷ്‍ടിക്കാൻ പോകുന്നുണ്ടോ?<br><br>ടെസ്‌ല അവരുടെ മോഡൽ വൈ കാറിന്റെ വിലകുറഞ്ഞ പതിപ്പ് വികസിപ്പിച്ചുകൊണ്ടിരിക്കുകയാണ് എന്നാണ് റോയിട്ടേഴ്‌സ് റിപ്പോർട്ട് ചെയ്യുന്നത്. ഇതിന്റെ ഉത്പാദനം 20 ശതമാനം വിലകുറഞ്ഞതായിരിക്കും, അതുവഴി ഇത് ഉപഭോക്തൃ സൗഹൃദമായിരിക്കും. അതേസമയം ഇത് ടെസ്‌ലയുടെ പുതിയ കാർ അല്ലെന്നും മറിച്ച്, ഇത് മോഡൽ Y യുടെ പുനർനിർമ്മിച്ച പതിപ്പാണ് എന്നും റിപ്പോർട്ടുകൾ പറയുന്നു. അതിനാൽ അതിന്റെ ഉൽപാദനച്ചെലവ് കുറവാണ്. E41 എന്ന രഹസ്യ നാമത്തിലാണ് ടെസ്‍ല ഈ കാർ നിർമ്മിക്കുന്നത്. മോഡൽ Y യുടെ ഈ വകഭേദത്തിന്റെ ഉത്പാദനം 2025 ൽ ചൈനയിൽ ആരംഭിക്കും. കമ്പനി തങ്ങളുടെ ഷാങ്ഹായ് ഫാക്ടറിയിൽ നിന്ന് ചൈനീസ് വിപണികളിലേക്കുള്ള കാറായിരിക്കും&nbsp;നിർമ്മിക്കുക.<br><br></p>