Monday, December 23, 2024 5:17 AM
നിങ്ങളുടെ വ്യക്തിഗത വാർത്താ സ്രോതസ് - ഓരോ വാർത്തയും നിങ്ങൾക്കായി
നിങ്ങളുടെ വ്യക്തിഗത വാർത്താ സ്രോതസ് - ഓരോ വാർത്തയും നിങ്ങൾക്കായി
വരാനിരിക്കുന്ന മൂന്ന് മിഡ് സൈസ് എസ്യുവികൾ
രാജ്യത്തെ ഇവി സെഗ്‌മെൻ്റിൻ്റെ വളർച്ച കണക്കിലെടുത്ത് മാരുതി സുസുക്കി, ഹ്യുണ്ടായ്, മഹീന്ദ്ര, ടാറ്റ, ടൊയോട്ട, ഹോണ്ട തുടങ്ങിയ കമ്പനികൾ പുതിയ ഇലക്ട്രിക് കാറുകൾ ഒരുക്കുന്ന തിരിക്കിലാണ്. അടുത്ത മൂന്നുമുതൽ നാലുസത്തിനുള്ളിൽ ഇന്ത്യയിലെ മുൻനിര കാർ നിർമ്മാതാക്കളായ മാരുതി സുസുക്കി, ഹ്യുണ്ടായി, മഹീന്ദ്ര എന്നീ കമ്പനികളിൽ നിന്ന് മൂന്ന് ഇടത്തരം ഇലക്ട്രിക് എസ്യുവികൾ പുറത്തിറക്കും. വരാനിരിക്കുന്ന ഈ മിഡ്‌സൈസ് ഇലക്ട്രിക് എസ്യുവികൾ നോക്കാം.
ഹ്യുണ്ടായ് ക്രെറ്റ ഇവി
ഹ്യുണ്ടായ് ക്രെറ്റ ഇവി ലോഞ്ച് 2025-ൻ്റെ ആദ്യ മാസം നടക്കും. ഭാരത് മൊബിലിറ്റി ഷോയുടെ രണ്ടാം പതിപ്പിൽ അതിൻ്റെ പൊതു അരങ്ങേറ്റ സമയത്ത് വിലകൾ പ്രഖ്യാപിക്കുമെന്ന് പ്രതീക്ഷിക്കുന്നു. ഇലക്ട്രിക് ക്രെറ്റയുടെ പവർട്രെയിൻ സജ്ജീകരണത്തിൽ 45kWh ബാറ്ററിയും ഒരു ഇലക്ട്രിക് മോട്ടോറും ഉൾപ്പെടുമെന്ന് പ്രതീക്ഷിക്കുന്നു. ഇത് പരമാവധി 138bhp കരുത്തും 255Nm ടോർക്കും നൽകുന്നു. അതിൻ്റെ പരിധി ഏകദേശം 350 കിലോമീറ്ററോ അതിൽ കൂടുതലോ ആയിരിക്കും. ഹ്യുണ്ടായ് അതിൻ്റെ എക്സ്റ്റീരിയറിലും ഇൻ്റീരിയറിലും ചില ഇവി മാറ്റങ്ങൾ ഉൾപ്പെടുത്തും. പുതിയ വൃത്താകൃതിയിലുള്ള ത്രീ-സ്‌പോക്ക് സ്റ്റിയറിംഗ് വീലിനൊപ്പം സീറ്റ് അപ്‌ഹോൾസ്റ്ററിയിൽ ഇലക്ട്രിക്കൽ എംബോസിംഗും ഇലക്ട്രിക് എസ്‌യുവിയിൽ ഉണ്ടാകുമെന്ന് ഏറ്റവും പുതിയ സ്പൈ ചിത്രങ്ങൾ വെളിപ്പെടുത്തുന്നു. എങ്കിലും, അതിൻ്റെ ഇൻ്റീരിയർ ലേഔട്ടും സവിശേഷതകളും ഐസിഇ മോഡലിന് സമാനമായിരിക്കും.
മഹീന്ദ്ര-XEV-9e
പുതിയ മഹീന്ദ്ര BE 6e XUV400 EV യ്ക്ക് മുകളിൽ സ്ഥാനംപിടിക്കും. അതിൻ്റെ പ്രൊഡക്ഷൻ-റെഡി പതിപ്പ് 2024 നവംബർ 26-ന് ഔദ്യോഗികമായി അരങ്ങേറ്റം കുറിക്കും. ഉടൻ തന്നെ അതിൻ്റെ വിപണി ലോഞ്ച് നടക്കും. പ്രൊഡക്ഷൻ മോഡലിന് അതിൻ്റെ കൺസെപ്റ്റ് പതിപ്പിനെപ്പോലെ 4370mm നീളവും 1900mm വീതിയും 1635mm ഉയരവും ലഭിക്കാൻ സാധ്യതയുണ്ട്. ഇതിന് 2775 എംഎം വീൽബേസും ലഭിക്കും. ഇരട്ട സ്‌ക്രീൻ സജ്ജീകരണവും അതിൻ്റെ ഡാഷ്‌ബോർഡ് മുതൽ സെൻ്റർ കൺസോൾ വരെ നീളുന്ന റാപ്പറൗണ്ട് ഘടകവും കൺസെപ്‌റ്റിൽ നിന്ന് നിലനിർത്തും. ഈ ഘട്ടത്തിൽ സ്പെസിഫിക്കേഷനുകൾ ലഭ്യമല്ല.എങ്കിലും, മഹീന്ദ്ര BE 6e 60kWh, 79kWh എന്നീ രണ്ട് ബാറ്ററി പാക്കുകളും കൂടാതെ RWD, AWD എന്നീ രണ്ട് ഡ്രൈവ്ട്രെയിൻ ഓപ്ഷനുകളുമായും വരുമെന്ന് പ്രതീക്ഷിക്കുന്നു. വലിയ ബാറ്ററി പതിപ്പ് ഒറ്റ ചാർജിൽ ഏകദേശം 450 കിലോമീറ്റർ റേഞ്ച് വാഗ്ദാനം ചെയ്യാൻ സാധ്യതയുണ്ട്.
ഇലക്ട്രിക് മാരുതി വിറ്റാര
സുസുക്കി ഇ വിറ്റാര അടുത്തിടെ ഇറ്റലിയിലെ മിലാനിൽ ആഗോളതലത്തിൽ അരങ്ങേറ്റം കുറിച്ചു. 2023 ഡൽഹി ഓട്ടോ എക്‌സ്‌പോയിൽ അനാച്ഛാദനം ചെയ്ത മാരുതി സുസുക്കി ഇവിഎക്‌സ് കൺസെപ്റ്റിൻ്റെ പ്രൊഡക്ഷൻ റെഡി പതിപ്പാണിത്. ഇ വിറ്റാരയുടെ ആഗോള ഉൽപ്പാദന കേന്ദ്രമായി ഗുജറാത്ത് ആസ്ഥാനമായുള്ള സുസുക്കി ഉൽപ്പാദന കേന്ദ്രം പ്രവർത്തിക്കും. ഇലക്ട്രിക് എസ്‌യുവി 2025 മാർച്ചിൽ ഇന്ത്യയിൽ വിൽപ്പനയ്‌ക്കെത്തും. ഈ പുതിയ മാരുതി ഇലക്ട്രിക് എസ്‌യുവി ഒറ്റ ഇലക്ട്രിക് മോട്ടോറുമായി ജോടിയാക്കിയ 49kWh, 61kWh ബാറ്ററി പായ്ക്കുകൾ വാഗ്ദാനം ചെയ്യും. വലിയ 61kWh ബാറ്ററി ഇരട്ട-മോട്ടോർ സജ്ജീകരണവും ഇ- ഓൾഗ്രിപ്പ് AWD സിസ്റ്റവും സഹിതം ലഭ്യമാകും.
