Local

പാലക്കാട്: ഇരുചക്രവാഹനവും ടാങ്കർ ലോറിയും കൂട്ടിയിടിച്ച് ബാങ്ക് സുരക്ഷാ ജീവനക്കാരൻ മരിച്ചു

പാലക്കാട്: ഇരുചക്രവാഹനവും ടാങ്കർ ലോറിയും കൂട്ടിയിടിച്ച് ബാങ്ക് സുരക്ഷാ ജീവനക്കാരൻ മരിച്ചു

പാലക്കാട്: പാലക്കാട് വിളയോടിയിൽ ഇരുചക്രവാഹനവും ടാങ്കർലോറിയും കൂട്ടിയിടിച്ച് ഒരാൾ മരിച്ചു. പെരുമാട്ടി ചെറിയ കല്യാണപ്പേട്ട സ്വദേശി ഗോപിനാഥൻ (50) ചിറ്റൂരിലെ സ്വകാര്യ ബാങ്കിലെ സെക്യൂരിറ്റി ജീവനക്കാരനായിരുന്നു.
രാത്രി ഷിഫ്റ്റ് കഴിഞ്ഞ് വീട്ടിലേക്ക് മടങ്ങുകയായിരുന്ന ഗോപിനാഥൻ വിളയോടി സദ്ഗുരു യോഗാനന്ദ ആശ്രമത്തിന് സമീപം രാവിലെ 7.30ഓടെയാണ് സംഭവം. റോഡിലേക്ക് വളർന്ന കുറ്റിക്കാട്ടിൽ കുടുങ്ങി വാഹനത്തിൻ്റെ നിയന്ത്രണം നഷ്ടപ്പെട്ടു. തുടർന്ന് ഇരുചക്രവാഹനം എതിരെ വന്ന ടാങ്കർ ലോറിയുമായി കൂട്ടിയിടിക്കുകയായിരുന്നു. ടാങ്കർ ഇദ്ദേഹത്തിന് മുകളിലൂടെ പാഞ്ഞുകയറുകയും മരണം സംഭവിക്കുകയും ചെയ്തു.

മീനാക്ഷിപുരം പോലീസ് സ്ഥലത്തെത്തി മൃതദേഹം ജില്ലാ ആശുപത്രിയിൽ പോസ്റ്റ്‌മോർട്ടത്തിനായി കൊണ്ടുപോയി. അപകടത്തെ തുടർന്ന് റോഡിൽ കാര്യമായ ഗതാഗത തടസ്സവും ഉണ്ടായി.