National

ഡൽഹിയിൽ വായുമലിനീകരണം അതീവഗുരുതരം, വരും ദിവസങ്ങളിൽ രൂക്ഷമാകുമെന്ന് റിപ്പോർട്ട്

ഡൽഹിയിൽ വായുമലിനീകരണം അതീവഗുരുതരം, വരും ദിവസങ്ങളിൽ രൂക്ഷമാകുമെന്ന് റിപ്പോർട്ട്

ന്യൂഡൽഹി: രാജ്യതലസ്ഥാനത്ത് വായുമലിനീകരണം അതീവഗുരുതരമെന്ന് കേന്ദ്ര മലിനീകരണ നിയന്ത്രണ ബോര്‍ഡ്. വരുന്ന ആറ് ദിവസങ്ങളിൽ ഇത് ഗുരുതരമാകുമെന്നും മുന്നറിയിപ്പുണ്ട്.
ഡല്‍ഹിനഗരത്തിന്റെ വിവിധയിടങ്ങളില്‍ വായുഗുണനിലവാര സൂചിക 364-ലേക്കെത്തി. ചൊവ്വാഴ്ച ഇത് 327 ആയിരുന്നു. കേന്ദ്ര മലിനീകരണ നിയന്ത്രണ ബോർഡിന്റെ റിപ്പോർട്ട് പ്രകാരം 301 മുതൽ 400 വരേ ഏറ്റവും ഗുരുതര വിഭാഗത്തിലാണ് ഉൾപ്പെടുത്തിയിരിക്കുന്നത്.

അയല്‍ സംസ്ഥാനങ്ങളായ ഉത്തര്‍പ്രദേശ്, ഹരിയാണ, രാജസ്ഥാന്‍ എന്നിവിടങ്ങളിലും വായുമലിനീകരണം രൂക്ഷമാണ്. ദീപാവലിയോടെ വായുഗുണനിലവാരം ഇനിയും താഴേക്ക് പോയേക്കും എന്ന ആശങ്കയുണ്ട്. പടക്കം പൊട്ടിക്കുന്നത് വിലക്കിയിട്ടുണ്ടെങ്കിലും വിലക്ക് ലംഘിച്ച് ആളുകള്‍ പടക്കം പൊട്ടിക്കുന്നത് പ്രതിസന്ധി വര്‍ദ്ധിപ്പിച്ചേക്കും.