Local

കോട്ടയം സ്വദേശി കൊച്ചി വിമാനത്താവളത്തിലെ ഡ്യൂട്ടി ഫ്രീ ഷോപ്പിൽ കുഴഞ്ഞുവീണു മരിച്ചു

കോട്ടയം സ്വദേശി കൊച്ചി വിമാനത്താവളത്തിലെ ഡ്യൂട്ടി ഫ്രീ ഷോപ്പിൽ കുഴഞ്ഞുവീണു മരിച്ചു

കൊച്ചി: കൊച്ചി രാജ്യാന്തര വിമാനത്താവളത്തിലെ ഡ്യൂട്ടി ഫ്രീ ഷോപ്പിൽ ഒരാൾ കുഴഞ്ഞുവീണു മരിച്ചു. കോട്ടയം ഏറ്റുമാനൂർ സ്വദേശി ജിമ്മി സൈമൺ വെട്ടുകാട്ടിൽ (63) ആണ് മരിച്ചത്. അമേരിക്കൻ പൗരത്വവും അദ്ദേഹത്തിനുണ്ടായിരുന്നു.
അമ്മയെ കാണാൻ അതിരാവിലെ എമിറേറ്റ്‌സ് വിമാനത്തിൽ എത്തിയ ജിമ്മി, ഡ്യൂട്ടി ഫ്രീ സ്റ്റോറിൽ സാധനങ്ങൾ വാങ്ങുന്നതിനിടെയാണ് സംഭവം.

ഉടൻ അങ്കമാലിയിലെ സ്വകാര്യ ആശുപത്രിയിൽ എത്തിച്ചെങ്കിലും ജിമ്മിയെ രക്ഷിക്കാനായില്ല. കഴിഞ്ഞ 36 വർഷമായി ചിക്കാഗോയിൽ താമസിച്ചിരുന്ന അദ്ദേഹം നോർത്ത് ലേക്കിലെ കിൻഡ്രെഡ് ഹോസ്പിറ്റലിൽ റെസ്പിറേറ്ററി സൂപ്പർവൈസറായി ജോലി ചെയ്തു.
പരേതരായ വെട്ടുകാട്ടിൽ സൈമണിൻ്റെയും തങ്കമ്മയുടെയും മകനാണ് ജിമ്മി. ഭാര്യ, കടുത്തുരുത്തി സ്വദേശി റാണി കടവിൽ, മക്കളായ നിമ്മി, നീതു, ടോണി, മരുമകൻ ഉണ്ണി.