National

10000 കോടി രൂപയുടെ വായ്പ തേടി എസ്ബിഐ, കാലാവധി അഞ്ച് വർഷം!

10000 കോടി രൂപയുടെ വായ്പ തേടി എസ്ബിഐ, കാലാവധി അഞ്ച് വർഷം!

ദില്ലി: 1.25 ബില്ല്യൺ ഡോളർ (പതിനായിരം കോടിയിലധികം രൂപ) വായ്പ തേടി സ്‌റ്റേറ്റ് ബാങ്ക് ഓഫ് ഇന്ത്യ. 2024-ൽ രാജ്യത്തെ സാമ്പത്തിക മേഖലയിൽ നിന്നുള്ള ഏറ്റവും വലിയ ബാങ്ക് വായ്പയാണ് എസ്ബിഐ തേടുന്നതെന്നതെന്ന് ബ്ലൂംബെർഗ് റിപ്പോർട്ട് ചെയ്തു. ഗുജറാത്ത് ഇൻ്റർനാഷണൽ ഫിനാൻസ് ടെക്-സിറ്റിയിലെ ശാഖ വഴിയാണ് പൊതു കോർപ്പറേറ്റ് ആവശ്യങ്ങൾക്കായി എസ്ബിഐ വായ്പ സമാഹരിക്കുന്നത്. വിഷയത്തിൽ പ്രതികരിക്കാൻ എസ്ബിഐ ഇതുവരെ തയ്യാറായിട്ടില്ല.

സിടിബിസി ബാങ്ക്, എച്ച്എസ്ബിസി ഹോൾഡിംഗ്സ് പിഎൽസി, തായ്പേയ് ഫ്യൂബൺ ബാങ്ക് എന്നീ ബാങ്കുകളുടെ കൺസോർഷ്യമാണ് വായ്പ പരി​ഗണിക്കുന്നത്. അഞ്ച് വർഷമാണ് കാലാവധി. റിസ്ക് ഫ്രീ സെക്യൂർഡ് ഓവർനൈറ്റ് ഫിനാൻസിംഗ് റേറ്റിനേക്കാൾ (എസ്ഒഎഫ്ആർ) 92.5 അടിസ്ഥാന പോയിൻ്റ് നിരക്കിലായിരിക്കും പലിശയെന്നും റിപ്പോർട്ടിൽ പറയുന്നു. കർശന നിയന്ത്രണങ്ങളോടെ വിദേശ കറൻസി വായ്പയെടുക്കുന്നവരിൽ നോൺ-ബാങ്കിംഗ് ഫിനാൻസ് കമ്പനികൾക്കൊപ്പം ഈ വർഷം എസ്ബിഐയും ഉൾപ്പെട്ടു.ചോളമണ്ഡലം ഇൻവെസ്റ്റ്‌മെൻ്റ് & ഫിനാൻസ് കമ്പനി 300 മില്യൺ ഡോളർ വായ്പയെടുത്തിരുന്നു. , യൂണിയൻ ബാങ്ക് ഓഫ് ഇന്ത്യയുടെ സിഡ്‌നി ബ്രാഞ്ച് മൂന്ന് വർഷത്തെ ലോൺ 81 മില്യൺ ഡോളറും ബാങ്ക് ഓഫ് ബറോഡ 750 മില്യൺ ഡോളറും വായ്പയെടുക്കുന്നു. ബ്ലൂംബെർഗ് ഡാറ്റ പ്രകാരം, വലിയ കോർപ്പറേറ്റ് വായ്പകളുടെ അഭാവം കാരണം 2024-ൽ രാജ്യത്തിൻ്റെ മൊത്തം ഡോളർ വായ്പയുടെ അളവ് 27% കുറഞ്ഞ് 14.2 ബില്യൺ ഡോളറിലെത്തി.