Local

മലപ്പുറത്ത് നിയന്ത്രണം വിട്ട ട്രക്ക് 5 വാഹനങ്ങളിൽ ഇടിച്ചു; 2 പേർ കൊല്ലപ്പെട്ടു

മലപ്പുറത്ത് നിയന്ത്രണം വിട്ട ട്രക്ക് 5 വാഹനങ്ങളിൽ ഇടിച്ചു; 2 പേർ കൊല്ലപ്പെട്ടു

മലപ്പുറം: വാഴക്കാട് ശനിയാഴ്ച ടോറസ് ട്രക്ക് നിയന്ത്രണം വിട്ട് അഞ്ച് വാഹനങ്ങളിൽ ഇടിച്ച് രണ്ട് പേർ മരിച്ചു. ഓട്ടുപ്പാറ കുറുമ്പാലിക്കോട്ടു സ്വദേശി അഷ്‌റഫ് (52), അനന്തരവൻ നിയാസ് (29) എന്നിവരാണ് മരിച്ചത്. ഇരുവരും റോഡരികിൽ നിർത്തിയിട്ടിരുന്ന സ്‌കൂട്ടറിൽ ഇരിക്കുകയായിരുന്നു.

നിയന്ത്രണം വിട്ട വാഹനം എതിരെ വന്ന കാറുമായി കൂട്ടിയിടിച്ച് ഇരുചക്രവാഹനത്തിൽ ഇടിക്കുകയായിരുന്നു. സമീപത്തെ ഓട്ടോറിക്ഷയിലും ട്രക്ക് ഇടിച്ചതിനെ തുടർന്ന് നിയന്ത്രണം വിട്ട് ചരിവിലേക്ക് മറിയുകയായിരുന്നു.

തുടർന്ന് ട്രക്ക് മറ്റ് മൂന്ന് വാഹനങ്ങളിൽ ഇടിക്കുകയായിരുന്നു. അപകടത്തിൽ കാറിലുണ്ടായിരുന്ന രണ്ടുപേരെ സ്വകാര്യ ആശുപത്രിയിൽ പ്രവേശിപ്പിച്ചു.